Gure mendietan edota ikastetxe inguruko berdeguneetan topatu ditzakegun zuhaitzek klima aldaketaren aurkako borrokan laguntzen digute. Izan ere, fotosintesi prozesuaren bidez, zuhaitz hauek atmosferako karbono dioxidoa xurgatu eta beraien biomasan metatzeko gaitasuna daukate.
Neurtu eta kalkulatuko al duzu zure inguruko zuhaitzek zenbat karbono gordetzen duten beren baitan?
Hasteko, zuhaitz baten edo batzuen espezieak identifikatu eta dimentsioak neurtu/estimatu ondoren, erreferentziazko balio batzuetan oinarritutako kalkulu batzuk garatu ditzakezu (irakaslearen laguntzarekin). Hori eginda, zuhaitz batek/batzuek biomasan metatzen duten karbono kopurua estimatzea lortuko duzu.
Mendiko botak ongi lotu, motxila prestatu eta goazen basora!