Dokumentalak

Aralarko ondare natural eta kulturalaren leiho izateaz haratago, hausnarketa eta gogoetarako bide ematen duen pelikula da. Adituen adierazpenek eta mundu oniriko bateko pasarteek, Nafarroa eta Gipuzkoaren mugan dagoen mendilerro honen balioa ezagutzera ematearekin batera, kontserbaziorako deia egiten dute.

Dokumentalarekin herriz herri gabiltz. 2023an zehar libre utziko dugu.
Planeta honek etorkizunik izango badu, hein batean elikadura katearen oinarriak iraultzen ari direnei esker izango da. Ingurumena eta gizakia bidelagun. Horrela bakarrik izango dugu gure esku geroa.

Ataungo artadiaren erdian kokatzen den Leizeta barrunbea ezagutzeko aukera izango dugu dokumental labur honetan. Haitzuloetako egiturak nola sortzen diren eta saguzarrak babestearen garrantziaz ere hitz egingo digute hiru protagonistek. Zientziaren eta magiaren elkargunea ezagutuko dugu, betiko babesteko.