Beheko artikuluaren lehen atala irakurri dugu prentsan (osorik):
Artikulu horren arabera, badirudi arazo larriak ditugula, bai ingurumen ikuspegitik eta baita ikuspegi sozioekonomikotik ere. Aldaketa baten beharra nabarmena dela dirudi. Horregatik, gizarteak ezagutu eta baloratu egin behar du natur ondarea, eta ahal duen guztia egin behar du hurrengo belaunaldiei egoera onean uzteko.
Gure agintariek, zenbait kasutan, ez dituzte sistema jasangarri bat eraikitzeko erabakiak hartzen. Adituek diote jada berandu gabiltzala. Guk, geure txikitasunetik, asko egin dezakegu gizartea eta sistema eraldatzeko.
Horrenbestez, egun daukagun egoera ikertuko dugu, hobetzeko zer egin dezakegun hausnartuko dugu, eta, gizartearen parte garenez, soluziorako proposamen bat diseinatuko dugu, mundu ekitatibo, solidario eta jasangarri bat eraikitzeko.
Gure lurralde administrazioen jokabidea aldarazteko gai izango al gara? Proposamen bat egingo al diegu? Goazen planeta salbatzera!
Ziur beheko bideoak ikusiz, baliabideak aztertuz eta mapak interpretatuz, informazio ugari lortuko duzula.
Guztiok daukagu gure txoko maitea gustora bizitzeko. Animali eta landareena zaindu behar dugu.
Bideoa ikusi
Nola eragiten diote giza jarduerek naturari? Non jarri muga?
Bideoa ikusi
Landare eta zuhaitz espezie desberdinen kokaleku eta ezaugarriei buruzko azalpenak emango zaizkigu, eta babesturiko zenbait espezieri aipamen berezia egingo zaie.
Bideoa ikusi
Animalia askoren bizilekua da natura eta espezie hauetariko asko babestuta daude. Ezagutu ditzagun zein diren eta zer egin dezakegun beraiek babesteko.
Bideoa ikusi