Naturan soinu ugari izaten dira eta belarriak erne jartzen baditugu makina bat soinu entzungo ditugu: errekako uraren hotsa, haizeak zuhaitz adarrak astintzean ateratako hotsa, okilaren moko hotsa, hegaztien kantu hotsak,… A ze soinu ederrak!!
Audioa
Amilotx urdina(Cyanistes caeruleus)
Txoritxo batek, kontutxo bat esan digu, «orainarte gure soinuak entzuten dituzue, baina gustora entzungo genuke zuen kontzertua».
Natura musika instrumentuz osatua dago eta sormena landuz, soinu ezberdinak lantzeko aukera dago.
Honetarako, ikastetxetik hurbil dagoen ingurune natural batera gerturatuz, lehenik eta behin, isiltasunean, belarriak erne jarri eta soinu ezberdinetaz gozatu dugu. Zein soinu entzuten dira gugandik hurbil? Eta urrunean? Erritmorik ba al dute? edo soinu solteak dira?
Ondoren, elementu naturalak bilatuko ditugu eta hauek erabiliz eta sormena astinduz, soinu ezberdinak sortuko ditugu.
Egingo al dugu, denon artean, elementu naturalen soinu kontzertua? Goazen bada!